Եվրոպայի խորհրդի ծրագիր

«Ինստիտուցիոնալ աջակցություն Հայաստանի համայնքների միությանը»

ՏԵԽՆԻԿԱԿԱՆ ԲՆՈՒԹԱԳԻՐ

Անվանում	Ռազմավարության մշակման հարցերով փորձագետ
Մոտավոր ժամկետներ	մարտ-հուլիս 2016թ., առավելագույնը 50 աշխատանքային օր
Գործունեության վայր	ք. Երևան և մարզեր

Ներածություն և նախադրյալներ

Հայաստանի համայնքների միությունը (այսուհետ` ՀՀՄ) հիմնադրվել է 1997թ.-ին` Հայաստանում տեղական ինքնակառավարման համակարգի ստեղծումից անմիջապես հետո: 2009թ.-ին այն դարձել է իրավաբանական անձանց միություն: ՀՀՄ-ի նպատակներն են տեղական ինքնակառավարման համակարգի զարգացումը` Տեղական ինքնակառավարման եվրոպական խարտիայի դրույթներին համաձայն, իր անդամ համայնքների շահերի պաշտպանությունը, տեղական ընտրված ներկայացուցիչների կարողությունների զարգացումը, ինչպես նաև ասոցիացիաների միջև համագործակցության խթանումը:  ՀՀՄ-ին անդամակցում են Հայաստանի 915 համայնքները:

«Ինստիտուցիոնալ աջակցություն Հայաստանի համայնքների միությանը» ծրագիրն իրականացվում է Եվրոպայի խորհրդի կողմից` Շվեյցարիայի զարգացման և համագործակցության գործակալության ֆինանսավորմամբ:  Ծրագրի նպատակնէ ՀՀՄ-ի կարողությունների ամրապնդումը, որի արդյունքում ՀՀՄ-ն կունենա ավելի ակտիվ մասնակցություն Հայաստանի կառավարման համակարգում:

Այս տարի ՀՀՄ-ն նախատեսում է մշակել իր 2016-2021թթ. Ռազմավարությունը, որի համար  անհրաժեշտ է սահմանել միության տեսլականը, նպատակները, խնդիրները և ռազմավարական գերակայությունները:

Խորհրդատվության նպատակը

Խորհրդատվության հիմնական նպատակն է աջակցել ՀՀՄ-ին իր 2016-2021թթ. ռազմավարության և տարեկան գործողությունների ծրագրի մշակման գործընթացում: Մասնավորապես, ակնկալվում է, որ փորձագետը կմշակի ռազմավարական պլանավորման մեթոդաբանությունը, կվարի աշխատաժողովները և քննարկումները, ինչպես նաև կմշակի ՀՀՄ-ի ռազմավարությունն ու տարեկան գործողությունների ծրագիրը:    

Հիմնական առաջադրանքներն ու պարտականությունները

Համագործակցելով ծրագրի աշխատակազմի, միջազգային և տեղական մյուս փորձագետների և ՀՀՄ-ի ղեկավարության հետ` փորձագետը խորհրդատվության շրջանակներում պետք է իրականացնի հետևյալ առաջադրանքները.

1.      Վերլուծել միության հիմնական գործառույթների և նպատակների վերաբերյալ առկա բոլոր փաստաթղթերը (ՀՀՄ-ի կանոնադրությունը, 2006-2010թթ. ռազմավարությունը, Ինստիտուցիոնալ կարողությունների հենակետային գնահատում, ՀՀՄ-ի 2015թ.-ի Կազմակերպական զարգացման ռազմավարությունը և այլն):

2.      Մշակել ռազմավարության և տարեկան գործողությունների ծրագրի նախագծերը, առաջարկել ռազմավարական պլանավորման մեթոդաբանությունը, կիրառելի գործիքակազմն ու ժամանակացույցը, մասնավորապես`

ա. մշակել ռազմավարական պլանավորման գործընացի նախագիծն ու մեթոդաբանությունը, որոնք կներկայացվեն ՀՀՄ-ի համապատասխան  աշխատանքային խմբին մարտ ամսվա ընթացքում, ինչպես նաև մասնակցել ԱԽ-ի հետ հանդիպումներին և վարել քննարկումներ (մարտի 11 և մարտի 18-19);  

բ. մշակել ռազմավարական պլանավորման թեմայով Տեղական իշխանությունների եվրոպական ասոցիացիաների հետ փորձի փոխանակման հնարավորություն ընձեռող մեկնարկային աշխատաժողովի հայեցակարգը և օրակարգը, ինչպես նաև մասնակցել մարտի վերջին կայանալիք աշխատաժողովին և վարել քննարկումներ;

գ. ՀՀՄ-ի աշխատանքային խմբի քննարկումների և մեկնարկային աշխատաժողովի արդյունքների հիման վրա միջազգային փորձագետի հետ միասին մշակել ռազմավարության և տարեկան գործողությունների ծրագրի առաջին նախագիծը` ՀՀՄ-ի անդամների հետ մանրամասն քննարկելու նպատակով;

դ. միջազգային փորձագետի հետ միասին մշակել ՀՀՄ-ի անդամների հետ մարզային քննարկումների օրակարգը և մեթոդաբանությունը, ինչպես նաև մասնակցել մարզային քննարկումներին և վարել դրանք (ապրիլ - մայիս 2016թ.):

Վերոնշյալ յուրաքանչյուր գործողություն կքննարկվի ՀՀՄ-ի ղեկավարության և ՀՀՄ-ի ռազմավարության հարցերով աշխատանքային խմբի հետ: Բոլոր փաստաթղթերը վերջնական տեսքի կբերվեն գործընթացի յուրաքանչյուր քայլի վերաբերյալ ստացված մեկնաբանությունների և առաջարկությունների հիման վրա:

3.      ՀՀՄ-ի անդամների և համապատասխան շահագրգիռ կողմերի հետ քննարկումների արդյունքում ամփոփել ՀՀՄ-ի ռազմավարությունը և գործողությունների ծրագիրը: Մասնավորապես`  

ա.մշակել ռազմավարության և տարեկան գործողությունների ծրագրի նախագծերը և դրանք ամփոփել Power point ծրագրի օգնությամբ; ներկայացնել նախագծերը ՀՀՄ-ի ծրագրի հարցերով աշխատանքային խմբին և վարչության անդամներին` կարծիքներ և առաջարկություններ հավաքագրելու նպատակով;   

բ.վերջնական տեսքի բերել 2016-2021թթ. Ռազմավարությունը և տարեկան գործողությունների պլանը` ՀՀՄ-ի կառավարման մարմինների կողմից հաստատման ներկայացնելու համար: 

Ակնկալվող արդյունքներ

1.      Առկա փաստաթղթերի վերլուծություն` ամփոփագիր (առավելագույնը 2 էջ):

2.      Ռազմավարական պլանավորման գործընթացի նախագծի մշակում, ներառյալ մեթոդաբանությունը:

3.      Ռազմավարական պլանավորման թեմայով մեկնարկային աշխատաժողովի օրակարգի և հայեցակարգի մշակում:

4.      Ռազմավարության և տարեկան գործողությունների ծրագրի առաջին նախագծի մշակում:

5.      Մարզային չորս աշխատաժողվների օրակարգերի և մեթոդաբանության մշակում:

6.      Նախագծերի քննարկմանը նվիրված հանդիպումների ժամանակ PowerPoint ծրագրով ռազմավարության և տարեկան գործողությունների ծրագրի ներկայացում:

7.      ՀՀՄ-ի 2016-2021թթ. Ռազմավարության և տարեկան գործողությունների ծրագրի  վերջնական տարբերակի մշակում:  

Անհրաժեշտ որակավորում

1.      Մեծ կազմակերպություններին (մասնավոր և/կամ հասարակական կազմակերպություններին)  ինստիտուցիոնալ զարգացման թեմայով խորհրդատվություն տրամադրելու` ներառյալ  ռազմավարական ծրագրեր մշակելու փորձ (ավելի քան 5 տարվա):  

2.      Քաղաքացիական հասարակության կազմակերպությունների և Հայաստանի համայնքների հետ աշխատելու փորձը ցանկալի է:

3.      Տարբեր շահագրգիռ կողմերի հետ դրական աշխատանքային հարաբերություններ կառուցելու և նրանց հետ համագործակցելու կարողություն:  

4.      Գործողությունների/վերջնական արդյունքների վրա կենտրոնանալու կարողություն`միևնույն ժամանակ ցուցաբերելով որակ, արդյունավետություն, ճշգրտություն և աշխատանքը սահմանված ժամկետներում կատարելու կարողություն:

5.      Գրավոր և բանավոր հայերենի գերազանց իմացություն, նյութերի մշակման հմտություն, բարդ մտքերը և գաղափարները ճիշտ ձևակերպելու ունակություն:     

6.      Անգլերեն լեզվի իմացությունը ցանկալի է:

Ժամանակացույց

Սկիզբը` 2016թ.-ի մարտի 9: Աշխատանքները պետք է իրականացվեն ըստ ներկայացված ժամանակցույցի և ավարտվեն ոչ ուշ, քան 2016թ.-ի հուլիսի 15-ը:

Առաջադրանքներ	Յուրաքանչյուր առաջադրանքի համար հատկացվող ժամանակ
Առկա փաստաթղթերի վերլուծություն	2 օր
Ռազմավարական պլանավորման գործընացի նախագծի ու մեթոդաբանության մշակում, մասնակցություն ՀՀՄ-ի համապատասխան աշխատանքային խմբի հետ հանդիպումներին	10 օր
Ռազմավարական պլանավորման թեմայով մեկնարկային աշխատաժողովի հայեցակարգի և օրակարգի մշակում, ինչպես նաև մասնակցություն աշխատաժողովին և քննարկումների վարում	5 օր
Ռազմավարության և գործողությունների ծրագրի առաջին նախագծերի մշակում	7 օր
Մարզային չորս աշխատաժողովների օրակարգի և մեթոդաբանության մշակում,  ինչպես նաև մասնակցել աշխատաժողովներին և դրանց վարում	10 օր
Ռազմավարության և տարեկան գործողությունների ծրագրի  նախագծերի ամփոփում	5 օր
Power point ծրագրով ռազմավարության և տարեկան գործողությունների ծրագրի նախագծերի ամփոփում, արդյունքների ամփոփմանը նվիրված երկու հանդիպումներին մասնակցություն և արդյունքների ներկայացում	4 օր
Ստացված կարծիքների հիման վրա ռազմավարության և տարեկան գործողությունների ծրագրի  նախագծերի ամփոփում	7 օր

Աշխատանքային պլան

Գործողություն

մարտ

ապրիլ

մայիս

հունիս

հուլիս

Ծրագրի հարցերով աշխատանքային խմբի հանդիպում

Ռազմավարության/գործողությունների ծրագրի առաջին նախագծի մշակում

Մեկնարկային աշխատաժողով

Մարզային չորս աշխատաժողով

Ռազմավարության/գործողությունների ծրագրի նախագծի մշակում

Արդյունքների ամփոփմանը նվիրված հանդիպումներ

Ռազմավարության նախագծի/գործողությունների ծրագրի ամփոփում

Դիմումների ներկայացման ընթացակարգը

Հետաքրքրված թեկնածուները/ընկերությունները կարող են ուղարկել իրենց դիմումները, ներառյալ.

1.      Ինքնակենսագրությունը (CV)` ընդգծելով նման առաջադրանքներ կատարելու իրենց համապատասխան փորձը:

2.      Հետաքրքրվածության նամակ` ամփոփելով նման առաջադրանքներ կատարելու իրենց հաջողված փորձը:

Ցանկացողները կարող են ուղարկել դիմումները Ծրագրի ղեկավար Տաթևիկ Դավթյանին հետևյալ էլ. հասցեով` tatevik.davtyan@coe.int

Լրացուցիչ տեղեկությունների համար կարող եք դիմել Ծրագրի օգնական Աննա Սահակյանին` հեռ. 546322 (ներքին 109); էլ. հասցե`anna.sahakyan@coe.int

Դիմումների ներկայացման վերջնաժամկետն է 2016թ.-ի փետրվարի 29-ը (Երևանի ժամանակով կեսգիշերը):