kestjonaro  vash i THEMatika savi  avela andi avutni romane dzjuvleangi KoNFERintza

Pathivale Manusha,

I Finlanda ka kerel i 4to Europaki  Romane Dzjuvleangi Konferitza savi ka avela ando  2013. I konferintza ka avela kerdi kethanes le Konsilosa la Europako  ande jekh pashutni buthj Romane Dzjuvleantza Drakhina. E maj vazne organizatorja  e Konferentzjake  kotar in Finlanda  si o Advisory Board vash Romane Buthja thaj o Konsilo vash Gender  Barabaripe kotar o Ministero vash Sochjalo Buthja thaj Sastipe  thaj vi Romane  NGO-urja, thaj aver zorale  ministerja thaj vazne institutzje . 

I Romane dzjuvleangi konferintza kamel te zorarel o kapasiteto thaj i kethani buthj mashkar e Romane Dzjuvleange Drakhina thaj te zutisarel  o kethano barearipe vash o Europako Aktzjako Plano vash  RomaneDzjuvlea.

Ka te aven e Europake Romane Dzjuvleange drakhina  thaj aver vazne partenerja  and-o procheso savo kerel preparatzja vash i konferintza thaj so te avel kerdo andi  konferintza  tume san akharde te den palpale pe pushimata kotar o kestjonaro vash kodola save avena  e prjoriteto tematika thaj e maj importantno vathjarimata and-i konferenintza.

O kestjonaro kamel te kidel sea e phenimata vash i thematika thaj e fundamentale problemurja  ka te arakhel kodola kethane mangimata thaj jekh buthjarimos stratedziko  vash e Romneange Polisje and-i Europa. Pushas tumendar te phenen savi tematika dikhen la tume sar prjoriteto  thaj te phenen e importantno problemurja kotar i tematika savi tume dikhen la sar prjoriteto. Avela mishto te dikhen pe sea e pushimta angleder te den palpale-pushimos.  O palpale-pushimos  ka lel  20-30 minutja. Ame pathjas ke tume ka phenen pala tumari experjentza thaj kodo ka zutil i analiza vash e reshimata. E palpale pushimata ka avena dikerde konfidentzjalo, thaj e reshimata kotar o kestjonaro ka avena prezentisarde bi te dzeanelpe o anav kasko so phendeas.

Kathe arakhen o kestjonaro  kerindoj kliko po  po maj tele linko. https://www.webropolsurveys.com/S/9AB73588B79A1A0F.par

Ame pathjas ke tume ka den maj dur kado mesazo  thaj o linko karing o kestjonaro ande tumare drakhina (networkurja). O kestionaro arakhelpe vi po webpatrin e Konsilosko la Europako, dikh  www.coe.int/en/roma-women .  

O kestjonaro si pe Anglikani shib. O kestjonaro ka avela  sigo bishardo maj dur vi andi Romani shib. Rugis tumen te dzeanen ke shaj te hramosaren ando kestionaro vaj Anglikanes vaj Romanes, numa na liduj. Te si vareso mangimos, ame pathjas  ke tume ka den zutipe kodole  Romane dzjuvlean  save kamen te den palapale pushipe po kestjonaro  numa na dzeanen Anglikanes vaj Romanes.

Rugis tumen te den palpale pushimata po kestjonaro dzi ko  12^to Septembrje  2012. O kestjonaro avela phanglo po 13^to Septembrje . E reshimata save inklena kotari i analiza po kestjonaro  ka zutina dureder te kerelpe o konferentzjako programo.  E reshimata kotar o kestjonaro ka avena prezentisarde ando preparatzjako kidipe savo avela kerdo kotar o Rumunjako Governo andi tommna e bersheski 2012.

Najsaras tumenge vash tumari  kethanes amentza buthj.

Hannele Syrjä	Hannele Varsa	Miranda Vuolasranta
Secretary General	Secretary General	Senior Officer
Advisory Board on Romani Affairs	Council for Gender Equality	Ministry for Foreign Affairs